ఎస్సీ వర్గీకరణ శాస్త్రీయంగా జరిగింది.
ఎమ్మెల్యే మందుల సామేలు..
- ఎస్సీ వర్గీకరణ శాస్త్రీయంగా సాగిందని తుంగతుర్తి శాసనసభ్యులు మందుల సామేలు అన్నారు.నియోజకవర్గం లోని తిరుమలగిరి మండల కేంద్రం లో ఎమ్మెల్యే క్యాంపు కార్యాలయంలో విలేకర్ల సమావేశం లో మాట్లాడుతూ ముఖ్యమంత్రి రేవంత్ రెడ్డి గారి ఆధ్వర్యంలో ఇరిగేషన్ మరియు సివిల్ సప్లై మంత్రి ఉత్తంకుమార్ రెడ్డి గారు, ఎస్సీ వర్గీకరణ మరియు బీసీ కులగణన ప్రక్రియ చైర్మన్ గా
- మంత్రులు సీతక్క, దామోదర్ రాజనర్సింహ, కొండ సురేఖ, పొన్నం ప్రభాకర్ సభ్యులుగా ఉండి శాస్త్రీయంగా నిర్వహించారని అన్నారు.
కాంగ్రెస్ ప్రభుత్వం చేవెళ్ల డిక్లరేషన్ ప్రకారం ఏబిసిడి వర్గీకరణ, కామారెడ్డి డిక్లరేషన్ ప్రకారం బీసీ
కులగనన చేపట్టిందని తుంగతుర్తి శాసనసభ్యులు మందుల సామేలు అన్నారు..
ఎస్సీ వర్గీకరణ 60 సంవత్సరాల సుదీర్ఘ పోరాటం అని చెప్పారు.
తెలంగాణ రాష్ట్రాన్ని ఇచ్చిన ఘనత కాంగ్రెస్ పార్టీదని.ఎస్సీ వర్గీకరణ చేపట్టిన ఘనత
కాంగ్రెస్ పార్టీ అన్నారు..
గౌరవ ముఖ్యమంత్రి శ్రీ రేవంత్ రెడ్డి గారు ఫిబ్రవరి 4వ తేదీనసామాజిక న్యాయ దినంగా ప్రకటించామన్నారు.పదేళ్లు ప్రభుత్వంలో ఉన్న బిఆర్ఎస్ పార్టీ ఏనాడు మాదిగల పక్షాన లేదని విమర్శించారు.ఉపముఖ్యమంత్రిగా రాజయ్యను నియమించి 7 నెలల్లోనే తొలగించారని ఆరోపించారు.కాంగ్రెస్ ప్రభుత్వం చెప్పిన విధంగా అన్ని వర్గాల సంక్షేమం కోసం పనిచేస్తుందన్నారు.
కాంగ్రెస్ పార్టీ ఎన్నికల్లో ఇచ్చిన హామీలన్నిటిని 100% అమలు చేస్తుందని తెలిపారు.
